Egrang & Jam Beker Lawas

Dino Ahad kepungkur aku silaturahmi nane kancaku sing manggon nang Samigaluh Kulon Progo Yogyakarta. Cukup suwe aku ora ketemuan, jalaran kesibukan rutinitas pekerjaan. Idep idep ngisi wektu senggang ora ono eleke sisan kanggo nyambung pesederekan.

Pemandangan Gunung Merapi Merbabu seko bulak Seyegan

Tanpo semangat kang gedhe jane wegah lungo adoh adoh. Opo meneh jarak kang adoh lan wektu kuwi cuaca rodo panas. Durung jalur kang mengko diliwati kuwi munggah ndedel kang iso nguras bensin. Ning, gandeng aku kuwi senengane dolan dolan kuwi mau tak anggep ra masalah kang serius.

Kanti nyilih sepeda motore bojoku, aku nlencer gleser gleser menyang Samigaluh WestProg. Jalur kang tak lewati lewat jalur munggah pegunungan slarong sik, trus berlanjut menyelusuri aspal alus sepanjang kali progo kang engko trus njedul nang perempatan Sedayu. Nyabarang prapatan nrabas pinggiran sedayu mlebu Moyudan mblasak kampung lan ketuk Korowelang Minggir. Lanjut ngulon bablas  siap siap nanjak gugusan perbukitan Menoreh.

Bar Dhuhur tekan omahe kancaku. Alhamdulillah ambak ambak ora janjian, kepasan kancaku ora lungo. Biasanya dino Minggon di nggo acara keluarga blonjo blonjo po dolan nang tempat wisata. Lanjut ngobrol asyik karo kancaku nganti pirang pirang menit opo malah meh sak jam.

Ono ing kono, anake kancaku njupuk egrang, yo kuwi sepasang pring kiro kiro sak lengen sing ngisore ano pancatane. Udakara dawane sak meteran sing ngisor nggo pancatan yo limolas sentinan seko ngisor. Bocah kuwi ngunggahke sikil nang pancatan trus sak lorone pisan. jumangkah themlek themlek...alon alon mlaku. wah bocah ini agi ajar ketoke, wong isi cendek pancatane. Jaman cilik aku yo pernah dolanan egrang koyo ngeneki.

Ajar dolanan egrang

Sinambi ngobrol kang asyik aku ngemil panganan kang di suguhke. kiro kiro sak jaman aku pamit mulih isih ono acara liyane nang Minggir Sleman.

Mudhun soko Pegunungan Menoreh ugo perlu ngati ngati, dalan sing alus tur njuleg. Sikil tengen orang uwal seko rem malah kadang kadang rem ngarep barang.

Ketok ngisor mampir nang nggone konco kang buka servis jam nang pinggiran kali Progo. Milang miling akhire entuk jam beker lawasan karo jam tangan nelson kang lumayan mulus, sing cocok nang ati. wah iso nggo oleh oleh batinku.

Dino minggu kepungkur dolan dolan nambah silaturahmi mulihe entuk jam lawasan kanggo nambah koleksi.

Jam weker lawasan gawean cino. embuh produksi tahun piro